සහෘදස්පන්දන - தோழமைத் துடிப்பு

Search This Blog

පින්තූර කතා

Get link
Facebook
X
Pinterest
Email
Other Apps

Get link
Facebook
X
Pinterest
Email
Other Apps

කුට්ටිමනී සහ තංගදුරෛ විත්ති කූඩුවේ සිට කළ ප්‍රකාශ

1 981 වසරේ ත්‍රස්තවාදය වැළැක්වීමේ පනත යටතේ තවත් සිව් දෙනෙක් සමඟ නඩරාජා තං‍ගවේලු හෙවත් තංගදුරෙයි සහ සෙල්වරාජා යෝගචන්ද්‍රන් හෙවත් කුට්ටිමනී අත් අඩංගුවට ගන්නා ලදී. 1983 වසරේ පෙබරවාරි මස දී අධිකරණය විසින් ඔවුන් සියලු දෙනාට බරපතල වැඩ සහිත ජීවිතාන්තය දක්වා සිර දඬුවම් නියම කරන ලදී. 1983 වසරේ ජූලි මස දියත් වූ දෙමළ විරෝධී ජූලි සහාරය සමඟ වැලිකඩ බන්ධනාගාරයේ සිංහල සිරකරුවන් විසින් බන්ධනාගාර නිලධාරීන්ගේ ආධාර ඇතිව දෙමළ සිරකරුවන් 54 දෙනෙක් ඝාතනය කළ අතර, තංගදුරෙයි සහ කුට්ටිමනී ද ඒ අතර වූහ. පහත පළ වන්නේ අධිකරණ තීන්දුව ප්‍රකාශයට පත් කිරීමෙන් පසු තංගදුරෛ සහ කුට්ටිමනී විසින් විත්ති කූඩුවේ සිට කළ ප්‍රකාශ ය. සමානාත්මතාවයත් යහපත් ගෞරවණීය ජීවිතයකුත් සඳහා, දෙමළ ජනයාට එරෙහි රාජ්‍ය මර්දනයට එරෙහිව නැඟී සිටි ඒ මිනිසුන් ගැන සිංහල අපේ පරිකල්පිතයන් ඉරි තලන මේ ප්‍රකාශ, ඔවුන් මරා දමා වසර 39ක් ඉක්මෙන තැන් හි හෝ කියවා ගත යුතු ය. 'සත්‍යය වෙනුවෙන් පෙනී සිටීමට වේදිකා සහ ආලෝක දහරා ඇවැසි නොවේ' -තංගදුරෙයි - තංගදුරෙයි (මෙය මුල් වරට 2015 ජූලි 29 දින JDS වෙබ් අඩවියේ පළ විය.) අපි දැනටමත් අපව විමර්ශනයකට ලක් කිරීම ග...

තිලීපන් : මරණය තෝරාගත් මිනිසෙක් පිළිබඳ සටහනක්

ව සර 40 කට වැඩි කාලයක් තිස්සේ සුළුතර ප්‍රජාවන් සහ සිවිල් කණ්ඩායම් ඉලක්ක කරගනිමින් ක්‍රියාත්මක වූ ත්‍රස්තවාදය වැළැක්වීමේ පනත පිළිබඳව දකුණේ සමාජය අවසානයේ මර නින්දෙන් අවදි වන්නට තීරණය කර ඇත. ශිෂ්‍ය ක්‍රියාකාරීන් තිදෙනෙක් ත්‍රස්තවාදය වැළැක්වීමේ පනත යටතේ සිරගත කිරීම සමඟ දකුණේ සිංහල සමාජය තුළ ත්‍රස්තවාදය වැළැක්වීමේ පනත (PTA) පිළිබඳව කතිකාවක් නිර්මාණය වී ඇත. එහෙත් මෙකී පනතෙන් වැඩියෙන්ම පීඩනයට පත් වූ දෙමළ ජනයා මේ පනත පළමුව බලාත්මක කළ සමයේ සිට ඊට සිය විරෝධය දක්වමින් සිටිති. ත්‍රස්තවාදය වැළැක්වීමේ පනත අහෝසි කිරීමේ විරෝධතා 2022 දී දකුණේ පැතිර යද්දී , මීට වසර ගණනාවකට පෙර ත්‍රස්තවාදය වැළක්වීමේ පනතට විරෝධය දක්වමින් මියගිය ලංකාවේ එකම පුද්ගලයා ගැන අත්‍යවශ්‍යයෙන් සඳහන් කළ යුතු ය. ඔහු රාසයියා පාර්තීපන් හෙවත් තිලීපන් වේ . 1987 සැප්තැම්බර් මස නල්ලූර් පූජා භූමියේ දී “ත්‍රස්තවාදය වැළක්වීමේ පනත යටතේ රඳවාගෙන සිටින සියලුම දේශපාලන සිරකරුවන් නිදහස් කළ යුතු යැ”යි යාපනයේ දෙමළ තරුණයෙක් හඬ නගා දශක කිහිපයකට පසුව , එකී පනත ශක්තිමත් කරමින් ආරක්ෂා කළ දකුණේ සිංහල ජනතාවට ද “ත්‍රස්තවාදය වැළක්වීමේ...

කඳුකර අරගල

ජායාරූපය උපුටා ගැනීම : THARAKA BASNAYAKA/NURPHOTO VIA GETTY IMAGES අද දක්වා ශ්‍රී ලංකා ආර්ථිකයේ කොඳු නාරටිය වන්නේ බ්‍රිතාන්‍යය අධිරාජ්‍යවාදීන් විසින් ශ්‍රම බලකායක් ලෙස දකුණු ඉන්දියාවෙන් මෙරටට ආනයනය කරන ලද කඳුකර දෙමළ ප්‍රජාවයි. පළමුවබ්‍රිතාන්‍යයන් යටතේ ද ඉන් පසුව ශ්‍රී ලංකාවේ පාලකයන් යටතේ ද ශ්‍රම සූරාකෑමට ලක් වෙමින් සිටින මෙම ජනයා අද දක්වාම ජීවත් වන්නේ අර්ධ වහල් තත්ත්වයේ ය. කඳුකර දෙමළ ජනයා අතීතයේ පටන් ගෞරවණීය ජීවිතයක් උදෙසා විවිධ අරගල කළ ද ඒවා ශ්‍රී ලංකා ඉතිහාසය තුළ සනිටුහන් වී නැත. සමාජයේ ජනප්‍රිය මතය වන්නේ එම ජනයා දේශපාලනික අවබෝධය නැතියෙන් දේශපාලන නායකයන්ගේ රැවටීම්වලට නිරන්තරයෙන් ගොදුරු වන, අයිතිවාසිකම් උදෙසා නැඟී නොසිටින සටන්කාමී ගුණයෙන් හීන සමාජ කණ්ඩායමක් බව යි. මේ, ඉතිහාසය වෙනත් ලෙසකට සාක්ෂි දරන හෙයින් ඒවා ලියා තැබීමට බල කෙරෙන මගහැර යා නොහැකි සටහනකි. මන්ද ආන්තික භාවයේ පතුලටම හෙළා තිබියදීත් පීඩිත භාවයට එරෙහිව සටන් කිරීමට තෝරාගැනීමම අරගලයක් වන හෙයිනි. කොටියාගල වැඩවර්ජනය - 1939 බගවන්තලාව කොටියාගල වත්තේ කම්කරුවෝ තම වතුයායේ මත්...

Powered by Blogger